विरुवा गाउँपालिका गण्डकी प्रदेश अन्तर्गत स्याङ्जा जिल्लाको सदरमुकाम स्याङ्जाबजारबाट दक्षिण पूर्वमा पर्दछ। नेपाल सरकारको मिति २०७३/११/२७को निर्णयले यो गाउँपालिका स्थापना भएको हो । यस गाउँपालिलकाअन्तर्गत साविकका विरुवाअर्चले, मनकामना, ओरष्टे गा.वि.स. का सबै वडाहरू तथा साविकका गा.वि.स. पेल्काचौरको वडा ३ र ९, राङभाङको ४,५,६,७ र ८ चिन्नेबासको १,२,३,४,५ र ६ तथा किचनासको १,२,३,४,५ र ७ नम्बर वडाहरू पर्दछन्।जम्मा ८ वटा वडाहरू रहेको यस गाउँपालिकाको केन्द्र विरुवा वजारमा अवस्थित छ जहाँ पुग्नका लागि सिद्धार्थ राजमार्गको राङ्खोला भन्ने स्थानबाट भित्र करिब १७ किलोमिटरको दूरी तय गर्नुपर्ने हुन्छ ।

भौगोलिक अवस्थिति :

पुर्व : हरिनास गाउँपालिका र तनहुँ जिल्लाको शुक्ला गण्डकी नगरपालिका ।          

पश्चिम : भिरकोट नगरपालिका र वालिङ नगरपालिका ।

उत्तर : पुतलीबजार नगरपालिका ।

दक्षिण: चापाकोट नगरपालिका र हरिनास गाउँपालिका ।

जनसंख्या   :नयाँ संरचना अनुसार विरुवा गाउँपालिकामा २०७८ को जनगणना  अनुसार १४००१ जनाको बसोबास रहेको छ  (पुरुषः ६५१९ र महिलाः ७४१०) ।

घरपरिवार संख्या   : ३९५४ (राष्ट्रिय जनगणना २०७८ अनुसार)

क्षेत्रफल :नयाँ संरचना अनुसार विरुवा गाउँपालिकाको कुल क्षेत्रफल ९५.७९ वर्ग किलोमिटर रहेको छ ।

विद्यालय  :मा.वि.:९, आधारभूत विद्यालय (१-५):१७, आधारभूत विद्यालय (१-८): ८, निजी विद्यालय:२,क्याम्पस:१,सामुदायिक बाल विकास केन्द्र:२

Audio Notice Board No. : 1618061620914